«ԻԻՀ-ն Զանգեզուրի ճանապարհն ի վնաս Հայաստանի է համարում». Խամենեի

Ադրբեջանագետ Տաթևիկ Հայրապետյանի թելեգրամյան գրառումը․ «Իրանի հոգևոր առաջնորդ Ալի Խամենեին վերահաստատել է ՀՀ տարածքային ամբողջականության պահպանման անհրաժեշտությունը և հայտարարել. «ԻԻՀ-ն Զանգեզուրի ճանապարհը ի վնաս Հայաստանի է համարում և հաստատակամ է իր այս դիրքորոշման մեջ»:

Խամենեին շեշտել է, որ «օտարները չպետք է սահմանափակումներ ստեղծեն հարևանների հետ հարաբերություններում և հավելել է, որ երկրների անվտանգությունն ու խաղաղությունն ապահովվում է սեփական ուժերին և մերձավորներին ապավինելով»:

Նա ընդգծել է, որ «երկու երկրների միջև համագործակցությունը հաստատակամորեն կշարունակվի՝ հիմնված սահմանված շահերի վրա և այլոց քաղաքականությունից անկախ»:

Իրանի հոգևոր առաջնորդը նաև դատապարտել է նաև Հիսուս Քրիստոսի հասցեին անարգանքը»: