Հինգշաբթի, 18 սեպտեմբերի, 2025 թ.
|
Ստեփանակերտում`   +18 °C

«Սա փաստաթուղթ է, որը ոչնչով չի սահմանափակում Ադրբեջանի որևէ նպատակադրում». Քրիստինե Վարդանյան

«Սա փաստաթուղթ է, որը ոչնչով չի սահմանափակում Ադրբեջանի որևէ նպատակադրում». Քրիստինե Վարդանյան
170
Չորեքշաբթի, 31 հուլիսի, 2024 թ., 11:24

«Մեր ծանոթացած փաստաթղթերը կողմերի միջև փոխանակվող փաթեթներ էին և հոդվածների ձևակերպումների վերաբերյալ առաջարկներ: Մեզ խաբում են, երբ ասում են՝ Ադրբեջանը համաձայնում է Ալմա-Աթայի հռչակագիրը ընդունել որպես սահմանազատման և սահմանագծման հիմք ու ֆիքսել մի սահման, որից ինքը առաջ չի գալու: Սուտ է, Ադրբեջանը հրաժարվում է ֆիքսել որևէ սահման որևէ գիծ»,- 168TV-ի եթերում նշել է ԱԺ «Հայաստան» խմբակցության պատգամավոր Քրիստինե Վարդանյանը՝ անդրադառնալով խաղաղության պայմանագրի այն առաջարկների փաթեթներին, որոնց իրենք ծանոթացել են ամիսներ առաջ: «Որևէ երաշխիք չկա, որ այդ թուղթը ստորագրելուց հետո հաջորդ օրը Ադրբեջանը չի հարձակվում: Հոդվածում կային նաև ձևակերպումներ՝ երկրի ուղիղ ներքին գործերին միջամտելու... Սա փաստաթուղթ է, որը ոչնչով չի սահմանափակում Ադրբեջանի որևէ նպատակադրում: Օրինակ՝ Ադրբեջանը ստիպել է այս բանակցային գործընթացում, որպեսզի Հայաստանի Հանրապետությունը պաշտոնապես չխոսի արցախահայերի վերադարձի իրավունքի մասին: Ես կարող եմ թվարկել ՀՀ տասնյակ զիջում, բայց Ադրբեջանից զիջման մասին որևէ բան չկա»,- հավելել է Վարդանյանը:

Քրիստինե Վարդանյանի հարցազրույցը