«Օբյեկտիվ իրականություն՝ Արամ Երիցյանի գործով»․ Ռուբեն Մելիքյան

«Օբյեկտիվ իրականություն՝ Արամ Երիցյանի գործով։ Տրամադրված և չտրամադրված տեսանյութերը»,- ֆեյսուքյան եթերն այսպես է վերնագրել փաստաբան Ռուբեն Մելիքյանը։ Նրա խոսքով՝ իրավապահները ստում են, երբ ասում են՝ հայհոյանքների, աստիճաններով քարշ տալով տանելու տեսանյութը չկա։

Ավելի վաղ փաստաբան, Արամ Երիցյանի եղբայր Ռոման Երիցյանը տեսանյութ էր տարածել իր էջում՝ հրապարակելով արգելված վայրում կանգառ կատարելու պատճառով եղբոր նկատմամբ բռնի ուժ գործադրելու տեսաձայնագրությունից հատված՝ նշելով հետևյալը․ «Քննիչը, սակայն, չի տրամադրել մյուս պարեկային ծառայողի (տուժող ճանաչված պարեկային ծառայողի) տեսաձայնագրող սարքի տեսաձայնագրությունը, քանզի պարեկային ծառայությունից նրան գրությամբ պատասխանել են, որ նշված սարքը եղել է անջատված վիճակում։ Ըստ մեզ, տեսաձայնագրությունը թաքցնելու պատճառն այն է, որ դրանով հստակ լսվում է՝ ինչ բնույթի հայհոյանքներ են հնչեցվում եղբորս ու բոլոր արցախցիների հասցեին, ինչպես նաև հստակ երևում՝ ինչ բնույթի բռնություն է կիրառվում եղբորս նկատմամբ՝ նրան աստիճաններով ոստիկանության բաժնի երկրորդ հարկ տեղափոխելիս»։