Սկանդալ Չինաստանում. դիակիզարաններից հազարավոր դիեր են գողացել
![]() 19571 Ուրբաթ, 09 օգոստոսի, 2024 թ., 19:24 Չինական Shanxi Aorui Biomaterials (SAB) ընկերությունը կասկածվում է դիակիզարաններից և բժշկական լաբորատորիաներից դիներ գողանալու համար՝ պրոթեզներ պատրաստելու նպատակով։ South China Morning Post-ը (SCMP), վկայակոչելով Beijing Brave Lawyers-ի ղեկավար Յի Շենհուայի հայտարարությունը, հայտնում է, որ ընկերությունն անօրինական կերպով դիեր և վերջույթներ է գնել Սիչուան, Գուանսի և Շանդուն նահանգներից և արտադրել ոսկրային ալոգեն փոխպատվաստուկներ (տրանսպլանտատ): SAB-ին հաջողվել է գողանալ ավելի քան 4 հազար դի: Սկզբում այս մասին փաստաբանը խոսել էր իր սոցցանցերում՝ ասելով, որ հյուսիսային Շանսի նահանգի կնետրոն Թայյուանի ոստիկանությունը հետաքննություն է անցկացնում: Ըստ նրա, փոխպատվաստման համար նախատեսված ոսկորների վաճառքից ընկերությանը հաջողվել է վաստակել մոտ 380 միլիոն յուան, ինչը կազմում է մոտ 53 միլիոն դոլարի: Ոսկրային ալոգեն փոխպատվաստուկներն օգտագործվում են ատամների, ոսկորների և հոդերի բուժման մեջ։ Փաստաբանը նաև փաստաթղթեր է ներկայացրել նախաքննության ընթացքի մասին։ Նրանց տվյալներով՝ ոստիկանությունը ընկերությունում խուզարկությունների ժամանակ առգրավել է ավելի քան 18 տոննա ոսկոր։ Ընկերությունը մարդկային մնացորդներ է գնել դիակիզարանի աշխատակիցներից, որոնք մասնատել են դիերը և վաճառել դրանք։ Փաստաթղթերում նշվում է նաև, որ հետաքննության ընթացքում ձերբակալվել է 75 կասկածյալ։ Բերման ենթարկվածների թվում նշվում է նաև ընկերության գլխավոր տնօրենը։ Նա, իբր, խոստովանել է, որ դիակիզարանի աշխատակիցներից ավելի քան 4 հազար դի է գնել։ Թայյուանի դատախազությունը հաստատել է SCMP-ին, որ հետաքննություն է ընթանում հանցավոր խմբավորման նկատմամբ, որը «գողանում և վերավաճառում է դիերը շահույթ ստանալու նպատակով»: Դատախազությունը, սակայն, մանրամասներ չի նշել։ |
«Հանքային ջուրն ունի և՛ օգտակար, և՛ ռիսկային կողմեր»․ Արմեն Մուրադյան
22103:06«Մոյա Սեմյա» ապրանքանիշի «Նրբերշիկ նրբահամ»-ը չի համապատասխանում պահանջվող նորմերին. ՍԱՏՄ
42015.09.2025, 19:48«Գրիպի բարդություններից խուսափելու համար խորհուրդ է տրվում պատվաստվել»․ ՀՀ ԱՆ
39415.09.2025, 14:54Անահիտ Ավանեսյանը զգոնության կոչ է անում
61713.09.2025, 15:30Արարատի մարզում շունը կծել է 1,5 տարեկան երեխային
54113.09.2025, 15:24ՔՊ-ի ներսում Անահիտ Ավանեսյանի դեմ գործընթացներ են տեղի ունենում. «Ժողովուրդ»
40713.09.2025, 09:12Հայաստանում մենինգոկոկային վարակից մահվան դեպք է գրանցվել
44812.09.2025, 22:48Ձախողման առաջին պատասխանատուն փոխնախարար Լենա Նանուշյանն է. «Ժողովուրդ»
59009.09.2025, 09:18