«Ընտրությունների արդյունքներն «ինդուլգենցիայի» վերածելը ներքաղաքական դիմակայությունը սրող գործոն է». Արման Մելիքյան

Արցախի ԱԳ նախկին նախարար Արման Մելիքյանի ֆեյսբուքյան գրառումը․ «Համապետական ընտրությունների արդյունքում իշխանական լծակներին օրինական (եթե անգամ ընտրությունները իրավաչափ ճանաչենք) ճանապարհով տիրանալը հաղթած քաղաքական թիմի համար մինչ հաջորդ ընտրաշրջանը ապօրինություններ, կամայականություններ, ինքնիրավչություն գործելու ինդուլգենցիա չէ։նՑանկացած գործող իշխանության սանձարձակությանն ի պատասխան քաղաքացիների զանգվածային ընդվզումն ու կոշտ արձագանքն օրինաչափ կլինի և օրինական կճանաչվի կառավարիչների թիմի տապալման դեպքում։ Երբ էլ որ դա տեղի ունենա։ Ընտրությունների արդյունքներն «ինդուլգենցիայի» վերածելը ներքաղաքական դիմակայությունը սրող գործոն է»։