«Հակամարտության սրումը կարող է ավարտվել Ուկրաինայի ոչնչացմամբ»․ Լուկաշենկո

Եթե ​​հակամարտության կարգավորման շուրջ բանակցություններ չկայանան ՌԴ-ի հետ, ապա էսկալացիա տեղի կունենա, այս մասին այսօր՝ օգոստոսի 18-ին, «Россия-1»-ի եթերում հայտարարել է Բելառուսի նախագահ Ալեքսանդր Լուկաշենկոն։

«Պետք է նստել բանակցությունների սեղանի շուրջ և քննարկել հարցերը։ Բայց եթե ամեն ինչ ընթանա այնպես, ինչպես Կուրսկի դեպքում է, կլինի էսկալացիա, որը կավարտվի Ուկրաինայի ոչնչացմամբ։ Ոչ ոք երբևէ չի հաղթել այս կայսրությանը, և ոչ ոք չի հաղթի Ռուսաստանին»,- նշել է նա։ Բելառուսի նախագահը վստահություն է հայտնել, որ «Ռուսաստանը, ամեն գնով, կազատի Կուրսկի շրջանը»։