«Հանրային դեմքերը մրցում են, թե ով կապացուցի, որ առանց Արցախ չի էլ ապրում»․ Սամվել Ֆարմանյան

ԱԺ նախկին պատգամավոր Սամվել Ֆարմանյանի ֆեյսբուքյան գրառումը․ «Էսօր լավագույն առիթն է՝ հասկանալու էն մայր պատճառը, թե ինչու կորցրեցինք Արցախը: Ու էս խելքով շարունակելու ենք կորցնել մնացածը:
Տեսե՛ք օրվա պաթոսը: Քաղաքական ու այլ «Էլիտաներ»-ը, հանրային դեմքերը, որոնք պիտի իբր առաջնորդեին ժողովրդի քաղաքական իդեալները, մրցում են, թե ով ավելի զիլ ու ճռճռան պաթոսով կապացուցի, որ ինքն առանց Արցախի չի էլ ապրում:
Հեռու մի գնացեք. ռացիոնալ մտքի ու հաշվարկի փոխարեն մենք գերադասեցինք կենացն ու անպատասխանատու պաթոսը, ֆեյսբուքի օրվա կյանք ունեցող հազարավոր լայքերը: Ընդ որում ֆիքսեք. էս պաթոսի մեջ բուն ժողովուրդը չկա, լուռ է: Ժողովուրդը, որն իր արյամբ ու զոհողություններով էր կռել էդ հաղթանակը: Ժողովուրդը, որն անգամ բնազդով, հազարապատիկ խելոք է մեր «էլիտայից»: Տվեք վերջինիս անգամ Չինաստանի ու ԱՄՆ-ի նման հզոր պետություն՝ հինգ տարում քամուն կտան:
Հ.Գ. Նույնքան զզվում էի, երբ զինված ուժերի հետ կապ չունեցող պաշտոնյաները՝ հին ու նոր, կամուֆլյաժով հայտնվում էին խրամատներում՝ ֆոտոսեսիայի»: