«Երևանում 68 հազար բաժանորդ է ավելացել»․ Կարեն Դարբինյան

286

Չորեքշաբթի, 04 սեպտեմբերի, 2024 թ., 12:24

«Երևանում ավելացել է 68 հազար բաժանորդ, նրանց կողմից միացման հայտեր են ներկայացվել, որոնցից 40 հազարն արդեն միացված է ցանցին, 28 հազարն ընթացքի մեջ է։ Միայն Կենտրոն վարչական շրջանում ծանրաբեռնվածությունը 2000 թվականի համեմատ ավելացել է 8-10 անգամ»,- հրավիրված ասուլիսի ժամանակ հայտնել է ՀԷՑ-ի տնօրենների խորհրդի նախագահ Կարեն Դարբինյանը։ Նա նաև ներկայացրել է արձանագրվող վթարների հիմնական պատճառները․ «Մեր վթարների մոտ 34%-ը տեղի է ունենում տարբեր կազմակերպությունների կողմից շինարարական աշխատանքների ընթացքում մեր մալուխների վնասման հետևանքով։ Դրանք մեր մեղքով չեն, վթարներից հետո ստիպված գնում, փոխում ենք մալուխները»,- ասել է Դարբինյանը՝ նշելով, որ վթարները արագ վերացնելու համար մալուխները չեն բավարարում, ներկրման հետ կապված խնդիրներ են եղել։