«Պարտված մարդը և հասարակությունն այս չարիքի իշխանության և թշնամու երազանքն են». Բագրատ Սրբազան

Մարզահամերգային համալիրում «Սրբազան պայքար» շարժման հանրահավաքի ժամանակ Բագրատ Սրբազանը վստահեցրեց՝ մենք պե՛տք է և կարո՛ղ ենք մեր հաստատակամությամբ մեր հասարակությանը ազատագրել պարտության ճիրաններից։ «Պարտված մարդը և հասարակությունն այս չարիքի իշխանության և թշնամու երազանքն են։ Մենք, միմյանց ձեռք բռնած, մեր հասարակությունը պիտի դուրս բերենք պարտվածի հոգեբանությունից և զոհի հոգեվիճակից։
Եվ մեր պայքարն ու շարժումը հենց այդ առաքելությունն է իրականացրել և շարունակում է իրականացնել։
Այսօր գրվում է մեր ժողովրդի և պետության պատմությունը։
Դժբախտաբար, այս իշխանության «շնորհիվ» այդ պատմությունը գրվում է Բաքվում և այլ մայրաքաղաքներում։ Մեր պայքարի առանցքային ուղերձն է՝ և ես ապագայից եմ նայում մեր այսօրվան, որ մեր պատմությունը պետք է գրվի Հայոց մայրաքաղաքում՝ Երևանում, հենց այս պատճառով է մեր պայքարը Սրբազան, հենց դա է մեր ուժը և կարողությունը»,- շեշտեց Սրբազանը։