«Այս գործը քաղաքական քննադատություն պարունակող խոսքի մասին է»․ փաստաբան

«Այս գործը ոչ թե մասնավոր անձանց մասին է, ովքեր հասարակական կարգ են խախտել, այլ՝ քաղաքական քննադատություն պարունակող խոսքի, որը փորձ է արվում ներկայացնել որպես հանցագործություն»,- Նարեկ Սամսոնյանի և Վազգեն Սաղաթելյանի գործով («Իմնեմնիմիի» գործ) դատական նիստի ժամանակ ասաց փաստաբանը։ «Հարկ ենք համարում նշել, որ ՀՀ-ում քրեական քաղաքականությունը նոր քրեական օրենսգրքով բացառում է քննադատական խոսքը դիտարկել որպես հանցագործություն։ Դա է ենթադրում նաև ՀՀ-ի ստանձնած միջազգային պարտավորությունները։ Անգամ Մարդու իրավունքների եվրոպական դատարանի ամենավերջին նախադեպային որոշումները խոսում են դրա մասին»,- նշեց փաստաբանը։