«Ազատամուտի բնակիչները դժգոհ են «Վեոլիա ջրի» մատակարարած խմելու ջրի որակից». Ոսկան Սարգսյան

Լրագրող Ոսկան Սարգսյանի ֆեյսբուքյան գրառումը․ «Իջևան համայնքի Ազատամուտ գյուղը խորհրդային տարիներին բանվորական ավան էր։ Ազատամուտում ներկայում բնակվում է շուրջ 3300 մարդ։ Ազատամուտի բնակիչները դժգոհ են «Վեոլիա ջուր» ընկերության կողմից մատակարարվող խմելու ջրի որակից։ Ազատամուտ բնակավայրի վարչական ղեկավարի պաշտոնակատար Արտակ Չոբանյանը հայտնեց, որ գյուղը խմելու ջուր է ստանում արտեզյան 2 հորերից, մատակարարվող ջուրը լաբորատոր փորձաքննության է ենթարկվել, այն համապատասխանում է խմելու ջրին ներկայացվող պահանջներին։ Ա․ Չոբանյանն ասաց, որ Ազատամուտի բնակիչները նախկինում խմելու ջուր ստանում էին օրումեջ, 3 ամիս առաջ խմելու ջրամատակարարումը դարձել է ամենօրյա, հետևյալ ժամանակացույցով՝ ժամը 17-ից մինչև 23-ը»։