«Այն, ինչ արվում է վարչապետի կողմից, արվում է, որ Հայաստանում լինի խաղաղություն»․ Գևորգ Պապոյան

«Իսկ ի՞նչ եք առաջարկում, որ Հայաստանն իր հարևանների հետ դիվանագիտական հարաբերություններ չհաստատի՞, թշնամանք ստեղծի՞: Այն, ինչ արվում է վարչապետի կողմից, արվում է, որպեսզի Հայաստանում լինի խաղաղություն, տնտեսական բարգավաճում և կյանքի կոչվի «խաղաղության խաչմերուկ» նախագիծը»,-լրագրողների հետ ճեպազրույցի ժամանակ ասաց Էկոնոմիկայի նախարար Գևորգ Պապոյանը՝ ի պատասխան Փաշինյան-Էրդողան հանդիպման վերաբերյալ հարցերին։ «Ձեր երազած և նախկինների վարած քաղաքականության արդյունքում է, որ Հայաստանն այսօր շրջափակված է, այդ քաղաքականության արդյունքում է, որ Հայաստանը 30 տարի տնտեսապես չի զարգացել, դրա արդյունքում է, որ Հայաստանում 10-15 օլիգարխ է եղել, մնացած ժողովուրդն էլ ապրել է աղքատության մեջ»,- Պապոյանը հունից դուրս եկավ ու հեռացավ։