«Լավ պատրաստված ծուղակ էր Բագրատ արքեպիսկոպոսի համար»․ Վահե Լոռենց

Պատմաբան, գրող, հրապարակախոս Վահե Լոռենցի ֆեյսբուքյան գրառումը․ «Հանրապետականների հիացական գրառումներ աչքովս ընկան՝ Բագրատ արքեպիսկոպոս-Պետրոս բանավեճի պահով։ Եվ եթե այդ բանավեճը պատահաբար դիտած չլինեի՝ այդ գրառումներից կպատկերացնեի, թե հոգևորականը Պետրոսին արդեն երկնային արքայություն՝ իր Սուրբ Պետրոսի մոտ է ուղարկել։ Մինչդեռ չեզոք հայացքով դիտելով այդ ամենը, հասկացա, որ սա լավ պատրաստված ծուղակ էր հենց իր՝ Բագրատ արքեպիսկոպոսի համար։ Պետրոսը հաղթեց։ Նա բացեիբաց մեղադրեց արքեպիսկոպոսին ստելու մեջ, վերջինս չկարողացավ հստակ պատասխանել առաջադրած հարցերին, մասնավորապես, թե ինչպես է պատրաստվում չեղարկել նոյեմբերի 9-ի փաստաթուղթը և այլն․․․
Եվ դիտելով այդ ամենը, այդպես էլ չհասկացա եթեր պնդելու իմաստը։ Եթե չկա ասելիք, ծրագիր, ինչո՞ւ համար էր դա։ Որ նիկոլը դավաճան և սուտասան է՝ դա բոլորս գիտենք։ Հա, բա հետո՞․․․
Գուցե, արքեպիսկոպոսի հույսն այն էր, որ իրեն կմերժեն և եթեր չեն տրամադրի․․․ այնժամ նա հաղթած կլիներ։ Բայց․․․ եղավ հակառակը․․․
Հ․Գ․ Թող ինչ որ մի եզզզի մտքով չանցնի, թե նիկոլական եմ դարձել։ Նաև բանականությունից զուրկ երկոտանիներ և չորքոտանիներ հեռու մնացեք»։