««3+3» ձևաչափով հանդիպումից հետո ընդունվել է համատեղ հայտարարություն»․ Թուրքիայի ԱԳՆ

Ստամբուլում կայացած «3+3» հարթակի նիստից հետո ընդունվել է համատեղ հայտարարություն, այս մասին ասվում է Թուրքիայի ԱԳՆ հայտարարության մեջ։ Հայտարարության տեքստում ընդգծվում է տարածաշրջանային տնտեսական համագործակցության ներդրումը երկրների միջև վստահության ամրապնդման, բարգավաճման և կայունության ապահովման գործում։ Կողմերը պայմանավորվել են գնահատել տրանսպորտի, կապի, առևտրի, էներգետիկայի, ներդրումների ոլորտներում համագործակցության հնարավորությունները։ Հռչակագրում ընդգծվել է նաև երկխոսության միջոցով տարածաշրջանում խաղաղություն և կայունություն ապահովելու կարևորությունը։