Ալեն Սիմոնյանի համար միջանցքը կարմիր գիծ է, Սահմանադրությունը` ոչ

Ալեն Սիմոնյանն «Ազատության» հետ զրույցում հավաստիացրեց, թե կա հարց, որ չի կարելի քննարկել: «Ես եմ բանակցությունների ժամանակ խնդրել, որ չօգտագործեն «Զանգեզուրի միջանցք» տրամաբանությունը, որովհետև հայկական կողմի համար դա նշանակում է, որ Ադրբեջանը հարձակվելու է Հայաստանի վրա: Համարում եմ, որ մեր խոսակցությունն ստացվել է: Մենք ուզում ենք բացել բոլոր կոմունիկացիաները, բայց այն պայմանները, որ առաջարկում է, այսպես կոչված, «միջանցքը», անընդունելի է: Միջանցքի հարցը մեզ համար կարմիր գիծ է։

Սահմանադրության հարցը, ես չեմ կարծում, չեմ ընկալում, որ եկել ենք հասել այն պահին, որ պետք է որոշում կայացնենք։ Մենք ասել ենք դրա մասին, որ սա է լուծումը, և սա է բացատրությունը, վստահ ենք այդ լուծման մեջ, բայց, ասենք, միջանցքի պարագայում դա մեր համար կարմիր գիծ է»,- ասաց նա։