Ֆիլիպիններում փոթորկի հետևանքով 100-ից ավելի մարդ է զոհվել

333

Երկուշաբթի, 28 հոկտեմբերի, 2024 թ., 02:12

Ֆիլիպինների հյուսիսում գտնվող Լուզոն կղզին պատուհասած «Թրամի» արևադարձային փոթորկի հետևանքով զոհերի թիվը հասել է մոտ 110-ի։ Այդ մասին հայտնել է Ֆիլիպինների Արտակարգ իրավիճակների արձագանքման գործակալությունը։

Առնվազն 42 մարդ անհետ կորած է համարվում։

Մի քանի հարյուր հազար մարդ գտնվում է տարհանման կենտրոններում։ Դպրոցների ու պետական գրասենյակների աշխատանքները դադարեցվել են ամբողջ Լուզոնում: Տրանսպորտային ենթակառուցվածքները խաթարվել են, չեղարկվել են կանոնավոր չվերթները։