Ե՞րբ է «Քաղաքացիական պայմանագիրը» կանոնադրությունից հեռացրել «Արարատ լեռը»

«Ժողովուրդ» օրաթերթը հոկտեմբերի 29-ին հոդված է հրապարակել, որում նշում է՝ «Քաղաքացիական պայմանագիր» կուսակցությունն (ՔՊ) իր կանոնադրությունից հեռացրել է «Արարատ լեռ» բառակապակցությունը։

«ՍիվիլՆեթ»-ի փաստերի ստուգման թիմը պարզել է, թե երբ է կանոնադրությունից հեռացվել «Արարատ լեռը», և արդյոք փոփոխված տարբերակը առկա է իրավաբանական անձնանց պետական ռեգիստրում։

Ըստ իրավաբանական անձանց պետական ռեգիստրում առկա տվյալների՝ հիմնադրվելուց ի վեր «Քաղաքացիական պայմանագիրը» ներկայացրել է նոր խմբագրությամբ երեք կանոնադրություն՝ 2015-ին, 2019-ին և 2022-ին։

2015-ին ՔՊ-ի հիմնադիր համաժողովի որոշմամբ ներկայացված կանոնադրության մեջ «Արարատ լեռը» հիշատակվում էր կուսակցության խորհրդանիշի բաժնում. նշվում էր խորհրդանիշ համարվող ձեռքսեղմման պատկերի ուրվագիծը նմանվում է Արարատ լեռան ուրվագծին։

2019-ին, երբ կուսակցությունը ներկայացրել էր նոր խմբագրությամբ կանոնադրություն, «Արարատ լեռը» դեռ հիշատակվում էր կուսակցության խորհրդանիշի բաժնում՝ նույն բովանդակությամբ։

Իրավաբանական անձանց պետական ռեգիստրում առկա փաստաթղթերից պարզ է դառնում, որ ՔՊ-ն 2022 թ. հոկտեմբերին ներկայացրել է նոր խմբագրությամբ կանոնադրություն, որի տեքստում արդեն իսկ բացակայում էր «Արարատ լեռ» ձևակերպումը, ձեռքսեղմում խորհրդանիշն այլ կերպ է բացատրվում։

Կանոնադրության այս տարբերակն է ներկայում տեղադրված կուսակցության պաշտոնական կայքում։

Առավել մանրամասն՝ սկզբնաղբյուրում: