«Հերթական ոստիկանական ապօրինությունն է տեղի ունեցել»․ Հովհաննես Խուդոյան

222

Չորեքշաբթի, 30 հոկտեմբերի, 2024 թ., 14:36

Փաստաբան Հովհաննես Խուդոյանի ֆեյսբուքյան գրառումը․ «Հերթական ոստիկանական ապօրինությունն է տեղի ունեցել այս գիշեր։ Նորից «օպերատիվ տվյալներ» կեղծելով՝ իբր ապօրինի զենք պահելու կասկածով բերման են ենթարկվել ակտիվիստ 4 երիտասարդ, որոնցից երկուսը ձերբակալվել են։ Քանի որ արդեն չափն անցել են, առաջիկայում կներկայացվի հաղորդում օպերատիվ տվյալներ կեղծող ոստիկանների դեմ՝ այս պահին կամ հետագայում քրեական պատժի ենթարկելու համար։ Երիտասարդները որևէ հակաիրավական արարք չեն կատարել ու հետապնդվում են իրենց քաղաքացիական դիրքորոշումը պաշտպանելու համար»։

Աղբյուրը` Հովհաննես Խուդոյան