«Գյումրու քաղաքապետի պաշտոնում իմ թեկնածությունը միաձայն հաստատել է ՔՊ վարչությունը»․ Կարեն Սարուխանյան

«Ես ենթադրում եմ, որ «Բալասանյան դաշինք»-ի մեր գործընկերները որոշել են ուղղակի դուրս գալ քաղաքականությունից»,- ճեպազրույցի ժամանակ ասաց ՔՊ-ական պատգամավոր Կարեն Սարուխանյանը՝ ընդգծելով, որ աննախադեպ իրավիճակ է, երբ և՛ համայնքի ղեկավարը, և՛ համայնքի ղեկավարի տեղակալները միաժամանակ հրաժարական են ներկայացնում։ Խոսելով Գյումրու քաղաքապետի պաշտոնում իր թեկնածության մասին, Սարուխանյանը նշեց․ «Ես ընտրվել եմ Գյումրիում տարածքային կազմակերպության նախագահ և իմ թեկնածությունը միաձայն հաստատել է «Քաղաքացիական պայմանագիր» կուսակցության վարչությունը։ Մենք քաղաքական մասով ընտրություն ենք կատարել և գնալու ենք արտահերթ ընտրությունների»։

Հիշեցնենք՝ Գյումրու ավագանու «Բալասանյան դաշինք»-ի անդամները՝ քաղաքապետի գլխավորությամբ, հրաժարական են տվել։