Հինգշաբթի, 18 դեկտեմբերի, 2025 թ.
|
Ստեփանակերտում`   +4 °C

«ԵՄ դիտորդներն են խանգարում ՌԴ-ին ու Ադրբեջանին՝ Հայաստանը իրար մեջ կիսել»․ Արամ Սարգսյան

«ԵՄ դիտորդներն են խանգարում ՌԴ-ին ու Ադրբեջանին՝ Հայաստանը իրար մեջ կիսել»․ Արամ Սարգսյան
222
Հինգշաբթի, 31 հոկտեմբերի, 2024 թ., 18:12

«Հանրապետություն» կուսակցության նախագահ Արամ Սարգսյանի ֆեյսբուքյան գրառումը․ «Ադրբեջանը և ՌԴ-ն անընդհատ բողոքում են եվրոդիտորդներից: Ինչո՞ւ... Որովհետև ԵՄ դիտորդներն են խանգարում իրենց Հայաստանը իրար մեջ կիսել։ Եվ սա անառարկելի փաստ է: Եվ քանի որ ԵՄ ներկայությունն է այս իրավիճակում մեզ անվտանգություն ապահովում, տրամաբանական է, որ մենք էլ, հակառակ և ի հակադրություն ՌԴ-ի ու Ադրբեջանի, ՀՀ անվտանգությունը մեծացնելու նպատակով, 60.000 ստորագրությամբ առաջարկենք ՀՀ ԱԺ-ին, օրենքի ընդունմամբ, ԵՄ անդամակցության գործընթաց սկսել, ինչը, բնականաբար, էլ ավելի կբարդացնի ռուս-ադրբեջանական տանդեմի ծրագրերը։ Ի՞նչն է այստեղ սխալ, բարդ, անհասկանալի, կամ՝ անտրամաբանական... Նրանք, ովքեր կարծում են, որ այս խնդիրը հնարավոր է լուծել ՌԴ-ի հետ հարաբերությունները սերտացնելու կամ տարածաշրջանային համագործակցության շրջանակում, թող առավոտյան մաքուր օդին զբոսնեն, քիչ զայրանան, իսկ երկոյան քնելուց առաջ մածուն ուտեն»։

Աղբյուրը`   Արամ Սարգսյան