«ՔՊ-ն դեմ է քվեարկելու Անկախության հռչակագրի անժամանցելիության մասին նախագծին». Գեղամ Մանուկյան

«1990-ի օգոստոսի 23-ին, երբ ՀՀ Գերագույն խորհուրդն ընդունում էր Անկախության հռչակագիրը, հազարավոր մարդիկ այն բերկրանքով էինք ընդունում։ Կյանքում չէի մտածի, որ 24 տարի անց ի պաշտպանություն Հայաստանի Անկախության հռչակագրի հետ կապված հայտարարության օրակարգը առաջարկելու եմ հետաձգել»,- այս մասին ԱԺ պետաիրավական հարցերով մշտական հանձնաժողովի նիստում ասաց «Հայաստան» խմբակցության խատգամավոր Գեղամ Մանուկյանը։

«Ունենք տեղեկություններ, որ քաղաքական մեծամասնությունը կողմ չի քվեարկելու նախագծին, դեմ է քվեարկելու կամ ձեռնպահ է մնալու այս հայտարարությանն աջակցելուց, ուստի առաջարկում ենք 2 ամսով հետաձգել այս քննարկումը»,- նշեց պատգամավորը։

Մանուկյանի խոսքով՝ այսօր հանձնաժողովի նիստում պետք է քննարկվեր «Հայաստան» խմբակցության նախաձեռնությամբ «Հայաստանի Անկախության մասին հռչակագրի անժամանցելի արդիականության մասին» ԱԺ հայտարարության նախագիծը, որով առաջարկվում է ԱԺ կողմից անընդունելի համարել ՀՀ Անկախության հռչակագրում ամրագրված հայոց պետականության հիմնական սկզբունքներն ու համազգային նպատակները նսեմացնելուն ուղղված ցանկացած փորձ:

Հանձնաժողովը որոշեց երկու ամսով հետաձգել նախագծի քննարկումը: