«Տրանսպորտային աղետի նպատակն է նախապատրաստել թանկացմանը»․ Կարեն Վրթանեսյան

Ռազմական փորձագետ Կարեն Վրթանեսյանի ֆեյսբուքյան գրառումը. «Իսկ հիշո՞ւմ եք, թե ինչպես էին «Սանիտեքից» խլում աղբահանության շուկան՝ արհեստական կերպով աղբահանման ճգնաժամ ստեղծելով, Երևանի փողոցներով ծորող աղբաջրերով ու համապատասխան «բուրմունքով», «վա՜յ-վա՜յ, ճգնաժա՜մ» ասելով։
«Կառծինկա» ապահովելու համար շաբաթօրյակ էին անում, Նիկոլը տեսախցիկների առաջ ծխախոտի կոթ էր գետնից վերցնում, մենք դա էշ-էշ քննարկում էինք...
Թելսելի հետ համատեղ նիկոլականների կազմակերպած տրանսպորտային աղետը նույն շարքից է։
Վիզուալ մեկնարկն էլ տրվեց Ավիրյանի՝ երթուղայինի ղեկին նստելով։
Նպատակը՝ մի քանի ամսում մարդկանց հասցնել այնպիսի վիճակի, որ պատրաստ լինեն ցանկացած թանկացմանը, միայն թե կարողանան տեղաշարժվել։
Ընդ որում՝ արդեն թե՛ Երևանի շարքային բնակիչները, թե´ գործատուները ահռելի կորուստներ են կրում, նույնիսկ եթե չեն գիտակցում դա (ժամանակը փող արժի, դա միայն սիրուն ասացվածք չէ, այլ տնտեսական աքսիոմ)։
Այսինքն՝ ոչ միայն մեր փողն են թալանում, այլև ժամանակը (որը նույնպես արժեք ունի, այդ թվում դրամական)»: