«Իշխանությունները փորձեցին փրկել «Հանրային ձայն»-ի դեմքը»․ Մանուկ Սուքիասյան

Ինչպես հայտնել էինք, Երևանի ավագանին ընդունեց «Հանրային ձայն» խմբակցության նախագիծը, համաձայն որի՝ Արցախի կամ Հայաստանի պաշտպանության համար մարտական գործողությունների ընթացքում զոհված կամ անհայտ բացակայող ճանաչված անձանց ընտանիքի անդամները տրանսպորտից կօգտվեն անվճար։
«Մայր Հայաստան» խմբակցության անդամ Մանուկ Սուքիասյանը հայտնեց, որ թեպետ իրենք կողմ են նախագծին, այնուամենայնիվ, այն կարծիքին են, որ այս նախագծով իշխանությունները փորձեցին փրկել «Հանրային ձայն»-ի դեմքն՝ այն ավելի սպիտակ ներկայացնելով․ «Այս նախագիծը կոալիցիայի ստվերային գործընկեր «Հանրային ձայն»-ին է տրվել՝ հնչեցնելու՝ որպես դեմքը փրկելու միջոց։ Սակայն սակագների թանկացման պատասխանատվությունը կրում են երկու կոալիցիոն ուժերը և իրենց աջակցություն ցուցաբերած «Հանրային ձայն»-ը։ Ինչպես երևաց, իշխող ուժն ավելի լավ է տիրապետում նախագծին»,- ասաց Սուքիասյանը։