Հինգշաբթի, 28 նոյեմբերի, 2024 թ.
|
Ստեփանակերտում`   0 °C

«Նման տեղումնառատ նոյեմբեր 2016-ից ի վեր հանրապետությունում չի եղել». Գագիկ Սուրենյան

«Նման տեղումնառատ նոյեմբեր 2016-ից ի վեր հանրապետությունում չի եղել». Գագիկ Սուրենյան
62
Այսօր, 00:36

ՇՄՆ հիդրոօդերևութաբանության և մոնիթորինգի կենտրոնի ղեկավարի տեղակալ Գագիկ Սուրենյանը «Լուրեր»-ին տված հարցազրույցում արձանագրել է, որ ձյան ծածկի առավելագույն բարձրությունը Լոռիում կազմել է 10-28սմ, Շիրակում, Կոտայքի և Արագածոտնի լեռնային գոտում՝ 15-30սմ, Գեղարքունիքում, Վայոց ձորի լեռնային գոտիներում՝ 10-20սմ, Երևանի բարձրադիր գոտում՝ 5-10սմ։ Թվային սանդղակն արտառոց չէ:
Նման տեղումնառատ նոյեմբեր 2016-ից ի վեր հանրապետությունում չի եղել: Ըստ մասնագետի՝ տեղացած առատ ձյունը դրական ազդեցություն կունենա և գյուղատնտեսության, և ջրային ռեսուրսների վրա:

Ինչպես տեղեկացրել է Սուրենյանը, թեև առաջիկա օրերն այնքան էլ տեղումնառատ չեն լինի, սակայն օդի ջերմաստիճանը կնվազի: Նոյեմբերի 28-30-ն ընկած ժամանակահատվածում գիշերային ժամերին օդի ջերմաստիճանը կնվազի ևս 5-8 աստիճանով: Նոյեմբերի 28-ի երեկոյան ժամերին, 29-ից դեկտեմբերի 1-ը ՀՀ ողջ տարածքում կհաստատվի առանց տեղումների եղանակ:

Առաջիկա օրերին տեղումներ չեն լինի, բայց կցրտի