«ՔՊ-ից դուրս եկած, պատգամավորի մանդատը պահպանած յուրաքանչյուրի վարկը պատրաստ եմ փակել»․ Նարեկ Մալյան

«Իմ սատարումն եմ ուզում հայտնել բոլոր այն մարդկանց, ովքեր 2018 թվականի ադրբեջանա-թուրքական հեղափոխությունից հետո հայտնվեցին իշխանությունների քաղաքական հետապնդումների, հալածանքների թիրախում»,- մարդու իրավունքների պաշտպանության միջազգային օրվա առթիվ անցկացվող ակցիայի ժամանակ ասաց հասարակական գործիչ Նարեկ Մալյանը. «Անձամբ ես այդ քաղաքական հետապնդումների ամբողջ ներկապնակով անցա՝ բռնություններ, հալածանքներ, հետապնդումներ, բանտարկություն: Իմ հիշելով՝ միակն եմ, ով դատավճռով նստեց, մեկ տարի բանտարկության մեջ անցկացրեց»,- ասաց Մալյանը՝ շեշտելով, որ այդ ընթացքում ՀՀ ՄԻՊ գրասենյակից չեն հետաքրքվել իր ճակատագրով։
Հարցին՝ քաղաքական հետապնդման ենթարկվածների թվին ԱԺ անկախ պատգամավոր Հովիկ Աղազարյանը կարո՞ղ է դասվել, Մալյանը պատասխանեց․ «Կա ուսապարկ, որը չի կատարում իր անմիջական ղեկավարի հրահանգները և դրա համար պատժվում է։ Ես չեմ կարծում, որ հանրությունը աջակցություն կցուցաբերի երբևէ Նիկոլ Փաշինյանի առաջ կռացածներին։ Հովիկ Աղազարյանը իր մեղքերի համար կգնա դժոխք, բայց եթե իր շահերից ելնելով պայքարում է, ու մենք ՔՊ խմբակցությունից ունենում ենք մի հատ մինուս մանդատ, ապա դա այլ խոսակցություն է։ Ես պատրաստ եմ ՔՊ խմբակցությունից դուրս եկած և մանդատը պահպանած յուրաքանչյուր ՔՊ-ականի վարկը փակել։ Այս չարիքի իշխանությունից ազատվելու միակ ճանապարը իմպիչմենթն է, մեզ ՔՊ-ականների ձայները պետք են»,- ասաց Մալյանը։