«Տեսեք իմ սեփական թիմի օրինակը, տեսեք դրանց ճակատագիրը»․ Բագրատ Սրբազան

«Պետք է բոլոր օղակներով մերժել այս մարդկանց հետ համագործակցությունը․ չարիքի ժառանգությունը դաժան է, չարիքը ժառանգություն չի ունենալու։ Ակամայից, խոսքերով կամ գործերով ուղղակիորեն հանցակից մի՛ դարձեք»,- ֆեյսբուքյան եթերում հայտարարել է «Սրբազան պայքար» շարժման առաջնորդ Բագրատ Սրբազանը՝ հավելելով․ «Տեսեք իմ սեփական թիմի օրինակը, տեսեք այդ մարդկանց, տեսեք դրանց ճակատագիրը, այսօրվա հանրային կարգավիճակը։ Ընդամենը մի քանի ամիս առաջ ովքեր էին այդ մարդիկ, հիմա ովքեր են։ Մենք գիտենք, որ նրանցից ոմանք այս կամ այն պատի տակ գանգատվում են, ասելով՝ տեսա՞ք ինչ արեց։ Չարինքն այլ կերպ չի կարող գործել, չարիքը ձեզ մեղսակից է դարձնում, ապա հասնում է ժամն ու օգտագործված եք, ամբողջությամբ թաթախված արյան մեջ»։