«Հանրային գործիչը բանավեճից հրաժարվում է երեք դեպքում». Դանիել Իոաննիսյան

266

Երկուշաբթի, 23 դեկտեմբերի, 2024 թ., 23:42

«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը «Ֆեյսբուք»-ի իր էջում, անդրադառնալով վարչապետ Նիկոլ Փաշինյանի՝ նախկին նախագահներին բանավեճի հրավիրելու առաջարկին, որից վերջիններս հրաժարվել են, գրել է.

«Հանրային գործիչը բանավեճից հրաժարվում է երեք դեպքում.

1. Երբ դիմացինի կարգավիճակը պատշաճ չի,

2. Երբ ֆիզիկապես չի կարող,

3. Երբ գիտի, որ չեզոք դիտորդների աչքերում պարտվելու է։
Տվյալ դեպքում 1-ին պատճառը բացակայում է (դիմացինը պետության գործող ղեկավարն է), 2-րդ պատճառը կարող է տեղին լինել միայն Տեր-Պետրոսյանի պարագայում։

Վստահ եմ, որ եթե Քոչարյանն ու Սարգսյանը (միգուցե՝ նաև Տեր-Պետրոսյանը) մտածեին, որ չեզոք դիտորդների աչքում այդ բանավեճը հաղթելու էին՝ առանց տատանվելու կհամաձայնվեին»:

Աղբյուրը` Դանիել Իոաննիսյան