Նորվեգական նավը հրաժարվել էր Ursa Major-ի անձնակազմին փրկել․ «Օբորոնլոգիստիկա»

Միջերկրական ծովում խորտակվող ռուսական Ursa Major-ի նավաստիներին նորվեգական «Oslo Carrier 3» նավը անհայտ պատճառովներով հրաժարվել էր տեղափոխել։ Այս մասին RIA Novosti-ին հայտնել են «Օբորոնլոգիստիկա»-ի մի խումբ ընկերություններ։
«Երբ փրկարար նավակը մոտեցել է խորտակվող Major նավին, նորվեգական նավը (որի անձնակազմի մի մասը ռուսախոս էր) հրաժարվել է ընդունել Ursa Major-ի անձնակազմի անդամներին՝ ինչ-որ արգելք պատճառաբանելով»,- գործակալությանը հայտնել են մամուլի ծառայությունից։
«Օբորոնլոգիստիկա»-ն ընդգծել էր, որ սա Փրկության մասին 1989թ․ միջազգային կոնվենցիայի խախտում է:
Հիշեցնենք, որ դեկտեմբերի 24-ին նավի ներսում տեղի ունեցած պայթյունից հետո ռուսական Ursa Major բեռնատար նավը խորտակվել էր Միջերկրական ծովում՝ Իսպանիայի և Ալժիրի միջև: 14 նավաստի փրկվել է, անձնակազմի երկու անդամներ համարվում են անհետ կորած։