Հինգշաբթի, 02 ապրիլի, 2026 թ.
|
Ստեփանակերտում`   +9 °C

«Ռուսաստանն ու Չինաստանն ընթանում են առճակատումից խուսափելու ճանապարհով»․ Սի Ցզինպին

«Ռուսաստանն ու Չինաստանն ընթանում են առճակատումից խուսափելու ճանապարհով»․ Սի Ցզինպին
683
Երեքշաբթի, 31 դեկտեմբերի, 2024 թ., 09:24

Չինաստանի նախագահ Սի Ցզինպինը ՌԴ նախագահին ուղղված իր ամանօրյա ուղերձում հայտարարել է, որ պատրաստ է սերտ կապեր պահպանել Ռուսաստանի նախագահ Վլադիմիր Պուտինի հետ՝ չին-ռուսական կապերն էլ ավելի ամրապնդելու համար, հայտնում է Xinhua-ն։

Նա նշել է, որ Պեկինի և Մոսկվայի միջև քաղաքական վստահությունը շարունակաբար նոր մակարդակի է հասել երկու առաջնորդների ռազմավարական ղեկավարության ներքո և ընդգծել, որ Ռուսաստանն ու Չինաստանը միշտ ընթանում են առճակատումից և երրորդ կողմերին թիրախավորելուց հրաժարվելու ճիշտ ճանապարհով։

«Վստահ եմ, որ տարբեր ոլորտներում Չինաստանի և Ռուսաստանի միջև համագործակցությունը կշարունակի զարգացման նոր հնարավորություններ բացել»,- նշել է Չինաստանի ղեկավարը։