Իսրայելի ՌՕՈւ–ն հարված է հասցրել Դամասկոսի նահանգում գտնվող ռազմական օբյեկտին

317

Ուրբաթ, 03 հունվարի, 2025 թ., 02:00

Իսրայելի ռազմաօդային ուժերի ինքնաթիռը հրթիռային հարված է հասցրել Սիրիայի Դամասկոսի նահանգի արևմուտքում գտնվող Թել էշ Շահմ օբյեկտին։ Այս մասին հայտնում է ՌԻԱ Նովոստին։

«Ուժգին պայթյուններ որոտացին Դամասկոսի արևմուտքում... Պայթյունները որոտացին իսրայելական ռազմական ինքնաթիռից Թել էշ Շահմ օբյեկտին մի քանի հրթիռներով հարվածելու հետևանքով... Օբյեկտի տարածքում զինամթերքի և զենքի պահեստներ կան։ Պայթյունների ձայներ հիմա էլ են լսվում»,- ասել է գործակալության զրուցակիցը։

Հիշեցնենք՝ 2024 թվականի դեկտեմբերի 8-ին Սիրիայում զինված ընդդիմության իշխանության գալուց հետո իսրայելական ավիացիան լայնածավալ ռմբակոծություններ սկսեց երկրի տարբեր նահանգներում գտնվող ռազմաօդային ուժերի բազաների, գիտահետազոտական կենտրոնների և պաշտպանական արդյունաբերության օբյեկտների ուղղությամբ։