«Մի՛ հավասարեցրու հերոսությունը պարտավորության հետ»․ Արմեն Եղիազարյան

ԱԺ նախկին պատգամավոր Արմեն Եղիազարյանի ֆեյսբուքյան գրառումը․ «Հարկ վճարող մարդը պարկեշտ, պարտաճանաչ մարդն է, ով օրենքով սահմանված կարգով կատարում է իր պարտականությունները պետության նկատմամբ, բայց նա հերոս չէ։
Հերոս են նրանք, ովքեր օրենքով չպարտադրված, իրենց սեփական կամքով հայրենիքի համար սխրանք են գործում։ Իրենց կյանքն են զոհաբերում հանուն գաղափարի և հայրենիքի։
Իսկ այն, որ առավոտյան զարթնում և աշխատանքի ես գնում դա հերոսություն չէ, դա պարտավորություն է, որ դու ստանձնել ես։
Մի նվաստացրու հերոսների սխրանքները, մի արժեզրկի նրանց հերոսությունը, մի հավասարեցրու հերոսությունը պարտավորության հետ»։