«Երկիրը դարձրին որբի գլուխ, ով ոնց ուզում՝ խուզում է»․ Մարգարիտ Եսայան

ՀՀԿ ԳՄ անդամ, ԱԺ նախկին պատգամավոր Մարգարիտ Եսայանի ֆեյսբուքյան գրառումը․ «

Ալիևի երեկվա հայտարարությունները լրջորեն անհանգստացրել են մեր հայրենակիցներին, գոնե նրանց, ովքեր հասկանում են պահի լրջությունը, անցած յոթ տարիների մեջ ապրելու վտանգները։ Բայց կա մեկ հանգամանք՝ ալիևը խոսի, թե չխոսի, իր անելիքը գիտի և նպատակային, քայլ առ քայլ գնում է դրանց իրականացմանը։

Խոսքը էլի ու կրկին մեր մասին է, մեր երկրի իշխանություն կոչվող թյուրիմացության մասին, մեր երկրի պետական համակարգերի գործունեության և չգործունեության մասին, նաև մեր մասին․․․ Ի՞նչ ենք անում, ի՞նչ ենք պարտավոր անել և ի՞նչու ենք դեռ հապաղում։

Ե՞րբ է ի վերջո լրջորեն հասկանալի լինելու, որ էս երկիրը անտեր է, իսկ անտերից ամեն ինչ կարող են խլել, ոչնչացնել։ Երկիրը, հողը, պետությունը պետք է տեր ունենա։ Էս երկիրը կամաց-կամաց դարձրին որբի գլուխ, ով ոնց ուզում՝ խուզում է»։