«Ինչո՞ւ եք Երևանի ծայրամասերից ձեր երեխաներին տանում Կենտրոնի դպրոց»․ Անի Կաղինյան

Քաղաքացիական ակտիվիստ Անի Կաղինյանը ֆեյսբուքյան իր էջում գրում է․ «Հարգելի երևանցիներ, ինչո՞ւ եք Երևանի ծայրամասերից ձեր երեխաներին տանում քաղաքի կենտրոն դպրոց: Ո՞վ է ասել, որ ծայրամասերի դպրոցներում ձեր երեխաներն ավելի վատ կրթություն կստանան, քան Կենտրոնում: Ո՞վ է ասել, որ ուսուցիչների մակարդակն ու կրթական ցենզը Կենտրոնի դպրոցներում ավելի բարձր է, քան ծայրամասերում: Ինչո՞ւ եք տանջում ձեզ և ձեր երեխաներին: Կյանքն եկել և ապացուցել է, որ սովորող երեխան հեռավոր գյուղում էլ է սովորում, չսովորող երեխան լավագույն կրթահամալիրում ընդամենը յոլա է գնում: Այսօր տասնյակ աշակերտների հետ խցկված ավտոբուսով, խցանումներով Կենտրոնից բարձրանում ենք Ավան: Ձեր երեխաները մեղք են...»։