«Իշխանության կողմից խոստումներ էին տրվում, որ սահմանազատման արդյունքում ադրբեջանցիները հետ կգնան, բայց դա տեղի չի ունենում»․ լրագրողը՝ Սարգիս Խանդանյանին

«Խոսվում էր ադրբեջանցիների հետ գնալու մասին, իշխանության կողմից խոստումներ էին տրվում, որ սահմանազատման արդյունքում նրանք հետ կգնան, բայց դա տեղի չի ունենում»,- ճեպազրույցի ժամանակ լրագրողը դիմեց ՔՊ-ական պատգամավոր, Արտաքին հարաբերությունների մշտական հանձնաժողովի նախագահ Սարգիս Խանդանյանին։ «ՀՀ-ի և Ադրբեջանի համապատասխան հանձնաժողովները, որոնք զբաղվում են սահմանազատմամբ, նստել, խոսել և պայմանավորվել են, որ սահմանազատումը կիրականացվի հյուսիսից հարավ՝ Հայաստան-Վրաստան-Ադրբեջան սահմանակետից մինչև հարավ, դա որոշակի հերթականություն և հաջորդականություն ունի»,- պատասխանեց Խանդանյանը։
Լրագրողի դիտարկմանը՝ մտահոգություն կա, որ հերթը չի հասնի Սյունիքի, Վայոց ձորի հատված, ասաց․ «Ինչո՞ւ պիտի չհասնի, ձեր կարծիքով Ադրբեջանը չի ուզո՞ւմ սահմանազատվի նաև այդ հատվածում»։