«Երբ Փաշինյանն ասում է՝ գնացեք, բիզնեսները ստուգեք, դրանից հետո՞ եք հասկանում, որ պետք է ստուգեք»․ լրագրողը՝ Էդուարդ Հակոբյանին

«Ուզում եմ հասկանալ ձեր կառույցի աշխատանքի մեխանիզմը․ երբ Նիկոլ Փաշինյանը հայտարարում, որ պետք է գործարարները, նախկին իշխանության ներկայացուցիչները դատվեն, քրեական վարույթներ նախաձեռնվեն, ձեզ էլ ասում է՝ գնացեք, բիզնեսները ստուգեք. դրանից անմիջապես հետո՞ եք հասկանում, որ այդ մարդկանց բիզնեսները պետք է ստուգեք, փակեք, կապարակնքեք։ Ո՞նց հասկացաք, որ Գագիկ Ծառուկյանի, Ռոբերտ Քոչարյանի կամ մնացածների բիզնեսները պետք է ստուգեք, կապարակնքեք այն ժամանակ, երբ Նիկոլ Փաշինյանը որոշում է բարձրաձայնել այդ մասին»,- ճեպազրույցի ժամանակ լրագրողը դիմեց ՊԵԿ նախագահ Էդուարդ Հակոբյանին։ «Դուք չեք հետևո՞ւմ վիճակագրությանը։ Եթե դուք վիճակագրությունը նայեիք, այդ ստուգումների պատմությունը նայեիք, ձեր մտահոգությունը կվերանար, որովհետև դրանք եղել են նախորդող տարիներին, այս տարի. տարբեր փուլերի գործողությունների արտացոլումն է այն, ինչ դուք լսում եք»,- պատասխանեց պաշտոնյան: