Շաբաթ, 20 հունիսի, 2026 թ.
|
Ստեփանակերտում`   +29 °C

«Մեր հասարակությունն ըստ արժանվույն չգնահատեց Լևոն Տեր-Պետրոսյանին»․ Սուրեն Սուրենյանց

«Մեր հասարակությունն ըստ արժանվույն չգնահատեց Լևոն Տեր-Պետրոսյանին»․ Սուրեն Սուրենյանց
230
Հինգշաբթի, 09 հունվարի, 2025 թ., 10:00

«Դեմոկրատական այլընտրանք» կուսակցության նախագահ Սուրեն Սուրենյանցի թելեգրամյան գրառումը․ «Երրորդ հանրապետության քաղաքական համակարգը մշտապես մնաց Ձեր բարձրության ստվերում: Շատ հաճախ ժամանակակիցները չեն կարողանում գնահատել Մեծերին՝ իրական հաղթանակը ստորադասելով պատրանքներին, արժանապատիվ խաղաղությունը՝ ամբարտավանության ճանապարհով մոտեցող կապիտուլյացիային:
Լևոն Տեր-Պետրոսյանը 20-րդ հարյուրամյակի հայ իրականության մեծագույն պետական, քաղաքական այրն է՝ Հաղթանակի և Արժանապատիվ խաղաղության ներդաշնակ տեսլականով:
Մեր հասարակությունն ըստ արժանվույն չգնահատեց Նախագահին, նրա պետականաստեղծ քաղաքականությունը՝ ճանապարհ հարթելով ազգային գահավիժման ու ողբերգության համար, բայց պատմությունն, անշուշտ, տալու է Արժանապատիվ Հայաստանի ու նրա խոհեմ առաջնորդի արժանի գնահատականը:
Շնորհավոր տարեդարձդ, պարոն Նախագահ»:
Նշենք, որ այսօր «Դեմոկրատական այլընտրանք» կուսակցությունը առաջին նախագահի 80-ամյա տարեդարձի առթիվ կազմակերպում է պանելային քննարկում։

Միջոցառման մոդեռատորը «Դեմոկրատական այլընտրանք» կուսակցության նախագահ Սուրեն Սուրենյանցն է։

Բանախոսներն են․

Արման Գրիգորյան- ԱՄՆ Լիհայի համալսարանի պրոֆեսոր, դոկտոր։

Ալեքսան Հակոբյան- «Ղարաբաղ» կոմիտեի անդամ, պատմական գիտությունների դոկտոր։

Կարպիս Փաշոյան- լրագրող, հրապարակախոս։

Հարութ Ուլոյան- հրապարակախոս։

Աղբյուրը`   Սուրեն Սուրենյանց