Ուկրաինան և Ռուսաստանը Կատարում գաղտնի բանակցություններ են վարում. Bloomberg

Ուկրաինան և Ռուսաստանը Կատարում գաղտնի բանակցություններ են վարում միջուկային օբյեկտները հարձակումներից պաշտպանելու կանոնների շուրջ։ Այս մասին հայտնում է Bloomberg-ը՝ հղում անելով սեփական աղբյուրներին։

Ուկրաինացի պաշտոնյաները, սակայն, միայն հաստատում են, որ բանակցություններ են տարվում Ռուսաստանի Դաշնության հետ գերիների փոխանակման և ուկրաինացի երեխաներին հայրենիք վերադարձնելու հարցի շուրջ։

Մինչդեռ, ինչպես հայտարարել է ԱՄՆ-ի պետքարտուղարի թեկնածու Մարկո Ռուբիոն, Ռուսաստանի դեմ պատժամիջոցների թուլացման հարցը կարող է դառնալ ուկրաինական հակամարտության դադարեցման բանակցությունների մաս։

Պատասխանելով Կիևին ՆԱՏՕ-ի կազմում ընդունելու՝ ենթադրյալ մերժման հավանականության մասին հարցին՝ Մարկո Ռուբիոն նշել է, որ դիվանագիտական ​​զիջումներն անխուսափելի են։

«Իսկական դիվանագիտությունը կպահանջի զիջումներ այս բանակցություններում ներգրավված յուրաքանչյուր կողմից։ Դիվանագիտության բնույթն այդպիսին է»,- ասել է նա: