«Մտածեցինք՝ ժողովրդի ծոցից դուրս եկած է, բայց ինչ արեց, ժողովրդի ծոցի մեջ արեց»․ ակցիայի մասնակից

«Ովքե՞ր են այսօր մեր ղեկավարները՝ բերաններից կաթնահոտ եկող երիտասարդներ։ Նիկոլս արեց էն ամենը, ինչից ինքը միշտ բողոքում էր, ցույցեր էր կազմակերպում»,-ասում է Կառավարության դիմաց բողոքի ակցիա իրականացնող տնտեսվարողներից մեկը՝ նշելով, որ եթե նախկինները չեն էլ հասցրել ինչ-որ բան իրագործել, դա արել է Փաշինյանը․ «Ղարաբաղն էլ տվեց, ժողովրդին էլ ավելի սննկացրեց։ Տրանպորտը թանկացրել է, որ «համբալ» գյուղացու երեխան տրանսպորտի գումար չունենա, չկարողանա կրթություն ստանա։ Թող վերանայի իր տված թոշակը, իր ծնողն այդ թոշակով կապրե՞ր։ Մենք իրեն բերեցինք՝ հավատալով, իմանալով, որ այնքան հասուն չի, որ երկիր ղեկավարի, բայց ուրիշը չկար։ Իրեն բերեցինք՝ մտածելով, որ ժողովրդի ծոցից դուրս եկած մարդ է, բայց ինչ արեց, ժողովրդի ծոցի մեջ արեց։ Հերիք է ժողովրդին գազազեցնեն, մենք բերել ենք, մենք էլ կհանենք»,- ասաց ակցիայի մասնակիցը։