Հայտնի են Հայաստանի ծանրամարտի տղամարդկանց առաջնության չեմպիոններն ու մրցանակակիրները

Հայաստանի ծանրամարտի տղամարդկանց առաջնությունում հայտնի են բոլոր չեմպիոններն ու մրցանակակիրները:

96 կգ քաշային կարգում ոսկե մեդալի է արժանացել Դավիթ Հովհաննիսյանը (երկամարտ՝ 366 կգ), արծաթին՝ Գևորգ Ղահրամանյանը (երկամարտ՝305 կգ), բրոնզե մեդալը նվաճել է Նարեկ Պետրոսյանը (երկամարտ՝ 291 կգ):
102 կգ քաշում Հայաստանի չեմպիոնն Արա Աղանյանն է (երկամարտ՝ 340 կգ), փոխչեմպիոնը՝ Ալեքսանդր Լազարյանը (երկամարտ՝ 325 կգ), իսկ երրորդ մրցանակին արժանացել է Անդրանիկ Այվազյանը (երկամարտ՝ 290 կգ):

109 կգ քաշային կարգում երկամարտի 368 կգ արդյունքով Պետրոս Պետրոսյանն առաջին տեղում է, երկրորդը երկամարտի 287 կգ արդյունքով Տիգրան Հովսեփյանն է, իսկ եռյակի վերջում 232 կգ արդյունքով Արտյոմ Մանուկյանն է:

Գերծանր քաշային կարգում Հայաստանում լավագույնը Օլիմպիական խաղերի կրկնակի արծաթե մեդալակիր, աշխարհի և Եվրոպայի չեմպիոն Սիմոն Մարտիրոսյանն է (երկամարտ՝ 400 կգ): Երկրորդ հորիզոնականում Աշոտ Մովսիսյանն է (երկամարտ՝345 կգ) և երրորդը՝ Վազգեն Գրիգորյանն է (երկամարտ՝ 335 կգ):