«Պետք է ճիշտ սպասումներ ձևավորենք, որ մարդիկ չմտածեն՝ վերջ, դարձանք ԵՄ անդամ»․ Նիկոլ Փաշինյան

«Ամենամեծ մարտահրավերը համարում եմ ՀՀ-ի՝ ԵՄ ստանդարտներին, չափանիշներին համապատասխանելը․․․ Երբ օրենքն ուժի մեջ մտնի, մենք ՀՀ ժողովրդին արտաքին հարաբերությունների ամբողջական «մենյու» առաջարկած կլինենք»,- այս մասին ԱԺ-ում անդրադառնալով Եվրամիությանը ՀՀ անդամակցելու գործընթացի մեկնարկի օրենքի նախագծին՝ ասաց ՀՀ վարչապետՆիկոլ Փաշինյանը՝ կարևոր համարելով օրենքի ընդունումը։

«Համոզված եմ, որ ԱԺ-ում քննարկումների ժամանակ հնչել է այն ուղերձը, որ մենք պետք է ճիշտ սպասումներ ձևավորենք, որ մարդիկ չմտածեն՝ վերջ, մենք դարձանք ԵՄ անդամ կամ ԵՄ անդամության թեկնածու։ Սա կարևոր քայլ է, որ մենք ՀՀ ժողովրդի առաջ ընտրության շատ լայն հնարավորություն դնենք, ինքներս էլ մեր ունեցած ընտրությունների միջև բովանդակային քննարկում ունենանք։ Սա նաև անվտանգային առումով կարևոր կոմպոնենտ է, որովհետև այդ բալանսները ուղիղ ազդեցություն են ունենում նաև անվտանգային միջավայրի վրա»,- նշեց Փաշինյանը։