«Ախուրյանցի Անոն քաղաքական դասի, այլ ոչ թե հանրային որակի մտածողության ցուցիչ է»․ Հակոբ Բադալյան

Քաղաքական մեկնաբան Հակոբ Բադալյանի թելեգրամյան գրառումը․ «Ախուրյանցի Անոն, որքան էլ թվա կամ հնչի տարօրինակ, Հայաստանի քաղաքական դասի, այլ ոչ թե հանրային որակի մտածողության ցուցիչ է: Եվ դա վառ կերպով դրսևորվեց հենց այս օրերին, երբ ամբողջ համացանցը ողողված էր «Անոյով»: Եվ հատկանշական էր, որ ողողողների թվում էին նաև հանրությանն առաջադիմության և քաղաքական մտածողության «դասախոսություններ» մատուցող շրջանակներ:

Նրանց թվում էր, թե Նիկոլ Փաշինյանից Անոյի հրաժարման տիրաժավորումը՝ հեգնանքով, սարկազմով, թե լրջորեն, լինելու է քաղաքականապես օգտակար՝ իրենց, և վնասակար՝ Փաշինյանի համար:

Ու բանը բոլորովին այն չէ, որ Անոն «փոշմանեց»: Եթե նույնիսկ չփոշմաներ, կամ գուցե՝ «չփոշմանեցնեին», միևնույն է, Անոյի տիրաժավորումը ըստ էության արտացոլում է Հայաստանում քաղաքական պլանավորման այն «բարձրագոչ միջակությունը», որ գոյություն է ունեցել ըստ էության անկախության ամբողջ ընթացքում և շարունակվում է առ այսօր: Եվ թերևս, կշարունակվի վաղը:

Եվ ինչպես կասեր գրողը՝ ամեն ժամանակ իր «Ախուրյանցի Անոն» ունի»: