«Նիկոլը երկու դիմում պետք է գրի՝ մեկը՝ հրաժարականի, մյուսը՝ դատախազին»․ քաղաքացի

«Նիկոլ Փաշինյանը շարունակում է հակահայկական, հակազգային քաղաքականությունը՝ իր խմբակի հետ միասին․․․ Բայց սրանց նկատմամբ ձևավորվել է համատարած ատելություն»,- այս մասին ԱԻՄ նախագահ Պարույր Հայրիկյանի՝ իշխանությունների հեռացման պահանջով հավաքի ժամանակ լրագրողների հետ զրույցում ասաց քաղաքացիներից մեկը։

Անդրադառնալով հարցին, թե արդյոք հավաքներով հնարավոր է Նիկոլ Փաշինյանին հեռացնել իշխանությունից, քաղաքացին պատասխանեց․ «Կարծում եմ՝ Փաշինյանն այլևս իշխանություն չունի, մնում է այդ աթոռից պոկել, և ոնց որ թե աթոռից պոկելու ժամանակը եյել է։ Հարցումները ցույց են տվել, որ նա նույնիսկ 5 տոկոս վստահություն չունի ժողովրդի մեջ։

Ինքը ունի մեկ ճանապարհ, և ես խորհուրդ եմ տալիս, 2 դիմում պետք է գրի, մեկը՝ հրաժարականի, մյուսը՝ դատախազին, որ, որպես հանցագործ, իրեն մեկուսացնի, որպեսզի ֆիզիկապես կենդանի մնա»։

Հարցին, թե որ ենթադրյալ հանցագործությունների մասին է խոսքը, քաղաքացին պատասխանեց․ «Բոլոր բնագավառներում կատարել է հանցագործություն, ամենամեծ հանցագործությունը Արցախի ցեղասպանությանը մասնակցելն է և Արցախը թշնամուն հանձնելը»։