«Իրականացվում է հայերի թվի նվազման և օտար տարրերի ավելացման քաղաքականություն»․ Արմեն Այվազյան

Քաղաքական գիտությունների դոկտոր, պատմաբան Արմեն Այվազյանի ֆեյսբուքյան գրառումը․ «Քանիցս ընդգծել եմ, որ էթնիկապես, կրոնապես և մշակութապես օտար տասնյակ հազարավոր զանգվածների անվերահսկելի ու անօրինական ներհոսքը սպառնում է Հայաստանի գոյությանը ոչ պակաս, քան ադրբեջանական ներխուժումն ու բռնազավթումը։
Փաշինյանական խունտան հետևողականորեն իրականացնում է ծրագրված քաղաքականություն՝ Հայաստանում հայերի թվի կտրուկ նվազման և օտար տարրերի ավելացման ուղղությամբ, մինչդեռ խորհրդարանական «ընդդիմությունը» անտեսում է այս գոյութենական վտանգը, ինչպես նաև որևէ կանխարգելիչ օրենսդրական նախաձեռնությամբ հանդես գալու անհրաժեշտությունը»։

Ռ. Քոչարյանն իր վերջին ասուլիսում նույնպես լռության մատնեց այդ հարցը։
Մինչդեռ այսօր աշխարհի հզորագույն պետությունները, այդ թվում՝ ԱՄՆ-ն, ՌԴ-ն, Գերմանիան և մյուսները, վերանայում են իրենց միգրացիոն քաղաքականությունը՝ օտար տարրերի զանգվածային ներխուժումը կանխելու նպատակով։
Ե՞րբ է «ընդդիմությունն» ուշադրություն դարձնելու նաև այս հրատապ խնդրին։
Հ.գ. Այս բացիկը մի քանի օր առաջ պոկել եմ մեր մուտքի դռան վրայից»։