«Հրաման է՝ ցանկացած եղանակով Վահե Մակարյանին չթողնել մուտք գործել ԱԺ». Սոս Հակոբյան

Փաստաբան Սոս Հակոբյանի ֆեյսբուքյան գրառումը. «Արդեն հայտնել ենք, որ լրագրող Վահե Մակարյանին Ալեն Սիմոնյանի հետ կապված միջադեպի արդյունքով ԱԺ աշխատակազմի ղեկավարի ակնհայտ ոչ իրավաչափ որոշումը՝ Վահե Մակարյանի հավատարմագրումը դադարեցնելու մասին բողոքարկել ենք վարչական դատարան։
Ասել ենք նաև, որ հայցը ընդունվել է վարույթ, ինչով կասեցվել է որոշման գործողությունը։
Նշվածից հետո Mediahub.am-ի տնօրենը դիմել է ԱԺ աշխատակազմին Վահե Մակրայանին հավատարամագրելու խնդրանքով, այն հիմնավորմամբ, որ կասեցվել է այն վարչական ակտի գործողությունը, որի հիմքով հավատարմագրումը մերժվել էր։ Այս դիմումը նույնպես (մի ամիս հետո) մերժվել է ուշադրություն երկու հիմքով. ասում են
1. դեկտեմբերին են դիմում (դեկտեմբերին դիմել և մերժվել են վերը նշված պատճառով),
2. ԱԺ աշխատակազմը կատարել է մի գիտաֆանտաստիկ եզրահանգում, որ ճիշտ է վարչական ակտը կասեցվել է, բայց իրավական հետևանքները այս պահին չեն դադարել, ուստի այն ուժի մեջ է և շարունակում է հանդիսանալ խոչընդոտ Վահե Մակարյանին հավատարմագրելու համար։
Եզրահանգում. չեմ հավատում, որ ԱԺ իրավաբանական վարչությունում անգրագետ անձինք են աշխատում, ուստի ինձ համար հստակ է, որ կա ԱԺ աշխատակազմի ղեկավարի և գուցե նաև իր վերադասի հրամանը ցանկացած եղանակով Վահե Մակարյանին չթողնել մուտք գործել ԱԺ իբրև լրագրող։
Սա դատարանի որոշման, դատական համակարգի, իրավունքի գերակայության նկատմամբ օրենսդիր մարմնի աշխատակազմի թքած (պարզ է ումից են սովորել) ունենալու նուրբ արվեստն է։
Ինձ համար ակնհայտ է, որ մեր իրավական համակարգում կա մեծ բաց, վարչական մարմինները կամ մասնավոր անձինք պետք է այնպիսի պատասխանատվության ենթարկվեն մարդու իրավունքների խախտումների համար, որը «թանկ» կնստի նրանց վրա և կտարհամոզի նրանց հետագա խախտումները, այլապես իրավունքը վերածել են փալասի. մենք խախտենք, դուք մեկ-երկու տարի հետո դատարանից որոշում ստացեք, որ դուք ճիշտ եք՝ մենք սխալ, հետո էլի կխախտենք, էլի գնացեք երկու տարի համոզեք, որ դուք ճիշտ եք մենք սխալ. անպատասխանատվության անվերջանալի շղթա...
Այս թեմայով (ժամանակը գտնեմ) հետազոտություն եմ անելու և ներկայացնեմ վաղվա իշխանություններին՝ թե ինչ կարելի է անել, որ իրավունքի դատական պաշտպանությունը չդառնա աննպատակ և ոչ արդյունավետ։
Հ.Գ. հետագա քայլերի մասին կտեղեկացնենք հաջորդիվ»: