«Տեսնենք` ինչ կլինի առաջիկա 48 ժամվա ընթացքում». Թրամփի խորհրդական Մայք Ուոլց

Ուկրաինայի առաջնորդ Վլադիմիր Զելենսկին «բախում է հրահրել» ԱՄՆ-ի հետ՝ փորձելով վերանայել հազվագյուտ հողային մետաղների վերաբերյալ համաձայնեցված գործարքը։ Այս մասին հայտարարել է ԱՄՆ-ի նախագահ Դոնալդ Թրամփի ազգային անվտանգության հարցերով խորհրդական Մայք Ուոլցը։

«Շատերը տեսել են միայն վերջին տասը րոպեները, երբ իրավիճակը դուրս է եկել վերահսկողությունից, բայց նրանք, ովքեր դիտել են ամբողջական տեսանյութը, նկատել են, թե ինչպես է Զելենսկին բազմիցս սադրում վարչակազմին՝ փորձելով վերանայել արդեն կնքված գործարքը և օգտագործել այն հետպատերազմյան անվտանգության երաշխիքներ ստանալու համար»,- մեջբերում է «ՌԻԱ Նովոստի»-ն։

Միևնույն ժամանակ, Վալցը նշել է Վաշինգթոնի պատրաստակամությունը՝ կրկին աշխատել Ուկրաինայի հետ ուկրաինական օգտակար հանածոների արդյունահանման գործարքի շուրջ:

«Մենք պլանավորում էինք գնալ (Քոնգրես)՝ հայտարարելու հանքանյութի այս գործարքի մասին։ Եթե ​​այն ստորագրվեր ուրբաթ օրը, մենք մարդկանց կասեինք, որ դա շատ դրական քայլ կլիներ բոլոր կողմերի համար, և, որ ամենակարևորն է, ամերիկացի հարկատուների համար, ովքեր այդքան շատ են տվել իրենց վաստակած գումարներից, որպեսզի Ուկրաինան կարողանա պաշտպանել իրեն։ Դա էր պլանը։ Մենք կտեսնենք, թե ինչ կլինի առաջիկա 48 ժամվա ընթացքում, բայց մենք, անշուշտ, ցանկանում ենք առաջ շարժվել դրական ճանապարհով»,- ասել է Վալցը։