«Հապաղելու ժամանակ չունենք, մարդկանց կյանքն ու ճակատագրերը հարցականի տակ են». Աշոտ Ղուլյան

«Նրանց, ում թվում է, թե պատերազմն ավարտվել է, քանի որ պարզապես սահմանին չեն կրակում, պիտի հիասթափեցնեմ: Քանի Ադրբեջանը մեր վրա հոգեբանական գրոհներ է ձեռնարկում, ու մեր հայրենակիցները գերի են, պատերազմը շարունակվում է»,- «Սրբազան պայքար»-ի էջում հրապարակված հարցազրույցի ժամանակ ասել է Արցախի ԱԺ նախկին նախագահ Աշոտ Ղուլյանը: Ղուլյանի խոսքով՝ անհնար է, որ Բաքվի դատարանում լինի արդար դատավարություն, ամեն ինչ հստակ կազմակերպված ու հորինված է: Ղուլյանը ընդգծել է, որ շատ ավելին պիտի անենք, հանրային ակտիվության այն աստիճանը, որ վերջին օրերին նկատվում է, անպայման պետք է պահվի, որովհետև «սա նաև ՀՀ պետական համակարգին է զգուշացնում, որ մենք հապաղելու ժամանակ չունենք՝ մարդկանց կյանքը, ճակատագրերը հարցականի տակ են»:

«Արցախի բոլոր ղեկավարները տարիներ շարունակ հանդես են եկել ԱՀ և Ադրբեջանի միջև խաղաղության դիրքերից: Նրանց կողմից պատերազմի կոչեր չեն եղե: Ի պաշտպանություն նրանց չօգտագործել այդ ելույթները՝ ավելորդ «շռյայլություն է»»,- նշել է Ղուլյանը՝ հավելելով, որ պետք է շահագրգիռ անձանց կողմից միավորում ստեղծել, որոնք կաշխատեն այն բացը լրացնել, որոնք այսօր չեն արվում պետական մակարդակով: