«Պետք է պատմության և այսօրվա միջև սահմանազատում իրականացնել». Նիկոլ Փաշինյան

«Անադոլու» լրատվական գործակալության լրագրողը Նիկոլ Փաշինյանին հարց ուղղեց. «Տևական ժամանակ է՝ պատմության ընկալման վերաբերյալ քննադատություններ ու եզրակացություններ եք անում: Ո՞րն է այս թեմային անդրադառնալու պատճառը, ինչի՞ եք փորձում հասնել դրանով»:
«Ցանկացած երկիր պետք է ինքն իր պատմության հետ առնչվի: Պատմությունից պետք է դասեր քաղել, բայց պատմության ոչ մի էջում գրված չէ, որ ասվի՝ ուշադրություն՝ հետևությունը, դասը հետևյալն է: Քաղաքական ընտրության հարց է՝ ինչ դաս քաղել, ինչպես օգտվել պատմությունից: Պատմությունն ամենաքաղաքական գիտություններից է, ամենաքաղաքական դիսցիպլիններից է ու դրա ընկալումը քաղաքական ընկալման հարց է: Պետք է պատմության և այսօրվա միջև սահմանազատում իրականացնել: Ապագան պետք է ոչ թե պատմության հայելային արտահայտությունը լինի, այլ հնարավորություն՝ ավելի լավը դարձնել այն էջերը, որոնք ուզում ենք ավելի լավը դարձնել: Սա էլ քաղաքական ընկալման հարց է»,- պատասխանեց Փաշինյանը: