«Խաղաղության պայմանագրի համաձայնեցման ֆիասկոն»․ Էդմոն Մարուքյան

273

Ուրբաթ, 14 մարտի, 2025 թ., 00:00

ԼՀԿ ղեկավար Էդմոն Մարուքյանը ֆեյսբուքյան ուղիղ եթերում անդրադարձել ՀՀ-ի և Ադրբեջանի միջև խաղաղության պայմանագրի համաձայնեցման գոծընթացին։

«Հայ ժողովուրդը Բայրամովից տեղեկացավ, որ ՀՀ-ն համաձայնել է խաղաղության պայմանագրի վերջին 2 չհամաձայնեցված կետերի վերաբերյալ Ադրբեջանի առաջարկներին․․․ ՀՀ-ն օրեր առաջ հայտարարեց․ «Արդեն Ադրբեջանին հայտնել ենք խաղաղության պայմանագրի 12-րդ խմբագրված տարբերակի վերաբերյալ մեր մոտեցումները»։

Հայ ժողովրդին չի ասվում, թե ինչ պատասխան է ուղարկվել։

Թե որ հարցերի վերաբերյալ համաձայնություն չկար, այդ մասին ևս Ալիևն էր բացահայտել՝ իր հարցազրույցներից մեկում։

Եվ հիմա Բայրամովը հայտարարում է, որ խաղաղության պայմանագրի բանակցությունների պրոցեսն ավարտված է։ Եվ միաժամանակ հայտարարում է, որ ՀՀ-ն պետք է իր Սահմանադրությունը փոխի․․․ Այս ամենին հաջորդում է ՀՀ ԱԳՆ հայտարարությունը, և Ադրբեջանը չի պատասխանում ՀՀ ԱԳՆ-ի առաջարկին՝ հանդես գալ համատեղ հայտարարությամբ․․․

Սա խաղաղության պայմանագրի համաձայնեցման ֆիասկոն է»,- նշել է Մարուքյանը։

Աղբյուրը` Էդմոն Մարուքյան