«Ինտենսիվ կերպով պետք է աշխատանք տանել Չինաստանի, Իրանի և Հնդկաստանի հետ»․ Արեգ Սավգուլյան

Պատմաբան, «ՀայաՔվե»-ի անդամ Արեգ Սավգուլյանի ֆեյսբուքյան գրառումը. «Մենք առաջ ունեինք Արևմտյան և Արևելյան Հայաստան հասկացություններ, Մեծ Թուրանի ծրագրի հաջողության դեպքում կունենանք Հյուսիսային և Հարավային Հայաստաններ, ավելի շուտ վիլայեթներ։
Տիգրանաշենը 8.2 քկմ է (820 հա), այն մոտավորապես զբաղեցնում է 1148 ֆուտբոլի դաշտ։ Գտնվում է Հայաստանի Հյուսիսը Հարավի հետ կապող միջպետական ճանապարհից 4.5 կմ (Երևան-Երասխ-Գորիս-Մեղրի Մ2): Ըստ ՀՀ վարչապետի պնդմամբ Արծվաշենը (40 քկմ) մերն է, իսկ Քյարքին (Տիգրանաշենը) Ադրբեջանինը ըստ ինչ-որ ռազմական քարտեզների։ Եվ պաշտոնական Երևանի քարոզչամեքնան «ՔՊԸԼԱՐԸ» անընդհատ թմբկահարում է, որ Արծվաշենն ավելի մեծ է քան Տիգրանաշենը։ Բայց ռազմավարական առումով դրանք անհամեմատելի են և այստեղ մակերեսը ածանցյալ է։ Քյարքիում պաշտոնական Անկարան և Բաքուն զորավարժությունների հիթ շքերթ են սկսելու։
Մեծ Թուրանի ծրագրով Հայաստանը զուգահեռաբար պետք է ազատվի Գյումրիում տեղակայված 102-րդ ռազմաբազայից և մենք հայտնվենք գերտերությունների ազդեցությունների զոնավորման նոր կոնֆիգուրացիայում։
Ելք․ Ինտենսիվ կերպով պետք է աշխատանք տանել Չինաստանի, Իրանի և Հնդկաստանի հետ։ Պետք է բացառել Տիգրանաշենի հանձնման կեղտոտ գործարքը։ Կոսմետիկ քայլերն այս հարցում անընդունելի են։ Քաղաքական ընդդիմությունը նշածս պետությունների դեսպանատների հետ պետք է ամենօրյա ռեժիմով աշխատանք տանի, այցելություններ և բացատրի, որ սա միայն մեր պետության հարցը չէ, այլ տարածաշրջանում անվտանգության ապահովման գլոբալ հիմնախնդիր։ Մեծ Թուրանի ծրագրով կամ այդ «Թրամփի ուղի» հորջորջված նախաձեռնությամբ հիմք կդնեն Սյունիքի մարզին «միջազգային» կարգավիճակ տալու գործընթացի մեկնարկին և թուրքը թաթը կդնի նաև Զանգեզուրի վրա։ Եվ առևտրի, խաղաղության սոցիալական բարեկեցության և այլ կեղծ օրակարգերը մեզ չեն փրկի և նման օրակարգերը հաճախ են որպես կենցաղային թուղթ գործածվում ՄԱԿ-ի դիվանագիտական արտաքնոցներում։
Հ.Գ. Հայաստանում Արտաքին գործերի և միջազգային առևտրի, այսինքն՝ նախկին Անշարժ գույքի նախարարությունը (ԱԳՆ) ակտիվորեն աշխատում է թուրք-ադրբեջանական կենսական շահերի թելադրանքով և այսօր սրանց ձեռք բռնող չկա, որովհետև Ընդդիմությունը չունի միասնական օրակարգ»։

«Հայաստանը որևէ հիդրո ծրագիր իրականացնելիս պետք է հաշվի առնի նաև հարևանի շահերն ու հետաքրքրություննները». Թաթուլ Հակոբյան
4920:30
«Եռակողմ բանակցությունների ընդլայնման հարցը Ռուսաստանի հետ չի համաձայնեցվել». Ուշակով
10719:49
«Ոնց որ կորցրել ա բանանը․ ես հոգեբույժ չեմ, չեմ կարող պատասխանել»․ Էդգար Ղազարյան (տեսանյութ)
8917:36
«Իր գազի կալոնկայի տեղը կարող ա ինքը գիտի, իմի տեղը որ ցույց տա՝ ուրախ կլինեմ»․ Էդգար Ղազարյան (տեսանյութ)
9817:30
«Ցանկացած մեկը, ով կպնում է ընտանիքին, պետք իմանա, որ պատասխան տալու է»․ Արա Պողոսյան (տեսանյութ)
9117:24
«Պուտինի, Թրամփի և Սի Ծինփինի հանդիպումը տեղի կունենա առանց նախապես համաձայնեցված օրակարգի»․ #FT
18917:13
«Եթե էս ռոբոտին ուղարկենք բանակցությունների, ավելի լավ արդյունքներ կունենանք»․ Սաթիկ Սեյրանյան (տեսանյութ)
8617:06
«Նիկոլ Փաշինյանը վախկոտ է»․ Էդգար Ղազարյան (տեսանյութ)
8016:48