«2018-2024 թթ․ ոստիկանների կողմից խոշտանգման 1100-ից ավելի դեպք է արձանագրվել»․ Լևոն Քոչարյան

«2018-2024 թվականներին ոստիկանների կողմից խոշտանգման 1100-ից ավելի դեպք է արձանագրվել, 1100–ից ավելի քրեական վարույթ կա, և դրանցից ընդամնեը 20-ն է դատարան գնացել մեղադրական եզրակացությամբ»,- այս մասին ՀՀ Քննչական կոմիտեի մոտ իրականացվող բողոքի ակցիայի ժամանակ նշեց ԱԺ «Հայաստան» խմբակցության պատգամավոր Լևոն Քոչարյանը։

«Երևի այնտեղ՝ Վանաձորում էլ ոստիկանները տեսել են, որ պատգամավոր Աշոտ Սիմոնյանի նկատմամբ բռնություն է կիրառվում ու հետևանք չի լինում, ոստիկանները չեն պատժվում, իմ նկատմամբ ոստիկանները տեսախցիկների առջև բռնություն են կիրառում, բոլորը տեսնում են, մեկ է, նրանց նկատմամբ որևէ գործողություն չի արվում, և այդպիսի շատ ու շատ դեպքեր կան, և իրենք երևի մտածել են՝ ուրեմն մեզ էլ է կարելի»,- նշեց Քոչարյանը՝ հավելելով, որ ցանկացած անպատժելիություն ծնում է նոր հանցանքներ։